अनोळखी मृत इसमाची ओळख पटविण्याचे आवाहन रेल्वे ट्रॅकवर आढळला मृतदेह; तळोधी पोलिसांची नागरिकांना सहकार्याची विनंती

 

तळोधी (बा.) 

       पोलीस स्टेशन हद्दीतील आलेवाही रेल्वे स्थानक परिसरातील रेल्वे ट्रॅकवर एका अनोळखी पुरुषाचा मृतदेह आढळून आला आहे. या प्रकरणी तळोधी (बा.) पोलिसांनी अपघाती मृत्यूची नोंद क्र. 17/2026 अंतर्गत कलम 194 बीएनएसएस प्रमाणे नोंद करून मृताची ओळख पटविण्याचे आवाहन केले आहे.

पोलिसांनी दिलेल्या माहितीनुसार, 31 जुलै 2026 रोजी मध्यरात्री 12.31 वाजण्याच्या सुमारास आलेवाही रेल्वे स्थानकाजवळील रेल्वे ट्रॅकवर सदर अनोळखी इसम मृतावस्थेत आढळून आला.

मृत इसमाचे वय अंदाजे प्रौढ असून शरीरयष्टी मजबूत आहे. उंची सुमारे 5 फूट 6 इंच, रंग गोरा असून अंगात निळ्या रंगाचा फुलबाह्यांचा शर्ट व निळ्या रंगाची जीन्स पँट परिधान केलेली आहे.

मृताच्या शरीरावर काही विशेष ओळखचिन्हे आढळून आली आहेत. त्यामध्ये छातीच्या उजव्या बाजूस इंग्रजीत "SD" असे गोंदलेले आहे. गळ्यात काळ्या धाग्यात ताईत असून उजव्या हाताच्या मनगटावर आकर्षक डिझाइनचे गोंदण आहे.

सदर व्यक्तीची ओळख पटत असल्यास किंवा त्याबाबत कोणतीही माहिती असल्यास नागरिकांनी पोलीस स्टेशन तळोधी (बा.) येथे त्वरित संपर्क साधून सहकार्य करावे, असे आवाहन पोलिसांनी केले आहे. नागरिकांच्या एका माहितीमुळे हरवलेल्या व्यक्तीच्या कुटुंबीयांचा शोध लागण्यास मदत होऊ शकते, असेही पोलिसांनी नमूद केले आहे.