सनातन संस्था न्यासातर्फे बालसंस्कार शिबीर संपन्न.

सनातन संस्था न्यासातर्फे बालसंस्कार शिबीर संपन्न.

      समाजसाहाय्य, राष्ट्ररक्षण आणि धर्मजागृती यांसाठी कार्यरत  सनातन संस्था या न्यासातर्फे मंगळवार दिनांक १६ डिसेंबर २०२५ रोजी स्व.चंद्रचूड येनूरकर माध्यमिक विद्यालय, चिखली, त.मूल, येथे बालसंस्कार शिबीर घेण्यात आले. 

    सनातन संस्था या न्यासातर्फे गरजूंना कपडे वाटप,विनामुल्य वैद्यकीय तपासणी, नैतिकमूल्य संवर्धन कसे करावे , ताणतणाव मुक्त जीवन कसे जगावे,याविषयी प्रबोधन, असे विविध समाजोपयोगी उपक्रम राबविण्यात येतात. 

        विद्यार्थ्यांना  ताणतणाव मुक्त जीवन जगता यावे म्हणून स्वतःचे शारिरीक, मानसिक आणि आध्यात्मिक बळ कसे वाढवावे यांसाठी योगा, प्राणायाम, नामजप यांविषयी मार्गदर्शन केले .

        न्यासाच्या वतीने सौ. लता समर्थ यांनी मार्गदर्शन केले .या उपक्रमासाठी सौ निता आयलनवार आणि शाळेच्या मुख्याध्यापिका सौ. अर्चना येनूरकर आणि शिक्षक वृंद यांनी सहकार्य केले . 

      या उपक्रमाचा लाभ ९९विद्यार्थ्यांनी घेतला.