मूल नगर परिषदेतर्फे जागतिक महिला दिनानिमित्त मॅरेथॉन व विविध क्षेत्रातील महिलांचा सत्कार व सांस्कृतिक कार्यक्रम पार पडला

International Women's Day निमित्ताने Mul Municipal Council च्या वतीने शहरात विविध कार्यक्रमांचे आयोजन करण्यात आले. महिला सशक्तीकरणाचा संदेश देण्यासाठी महिला मॅरेथॉन स्पर्धा तसेच सांस्कृतिक कार्यक्रम मोठ्या उत्साहात पार पडले.

कार्यक्रमाची सुरुवात सकाळी ५:०० वाजता महिला मॅरेथॉनने झाली. शहरातील विविध वयोगटातील महिलांनी मोठ्या संख्येने या मॅरेथॉनमध्ये सहभाग नोंदविला. महिला आरोग्य, आत्मविश्वास आणि सशक्तीकरणाचा संदेश देण्यासाठी ही मॅरेथॉन आयोजित करण्यात आली होती. मॅरेथॉनला शहरातील नागरिकांनीही उत्स्फूर्त प्रतिसाद देत स्पर्धक महिलांचे उत्साहवर्धन केले.

हा कार्यक्रम मूल येथे कन्नमवार सभागृह येथे घेण्यात आला मूल शहरातील समाजसेवेप्रती समर्पित असणाऱ्या महिलांचे आत्मबल वाढून त्याच्या हातून समाजाचे व तळागाळातील लोकांची सेवा घडावी म्हणून त्यांना सन्मान चिन्ह देऊन गौरविण्यात आले

या कार्यक्रमाचे उद्घघाटीका पारोमीता गोस्वामी यांच्या हस्ते करण्यात आला कार्यक्रमाच्या अध्यक्षस्थानी मूल नगरपरिषदेच्या नगराध्यक्षा एकता समर्थ या होत्या् प्रमुख पाहुणे म्हणून संध्याताई गुरूनुले तसेच राजकीय, शैक्षणिक, आरोग्य, पोलीस, सामाजिक, क्रिडा, महसूल, महिला पत्रकार, माजी नगराध्यक्षा यांचा सत्कार करण्यात आला. सांस्कृतिक कार्यक्रमांमध्ये महिलांनी विविध कलागुणांचे सादरीकरण केले. एकल नृत्य, सामुहिक नृत्य ,आदी कार्यक्रमांमधून महिलांच्या प्रतिभेचे दर्शन घडले. कार्यक्रमाच्या माध्यमातून महिला सक्षमीकरण, शिक्षण व समाजातील महिलांचे महत्त्व याबाबत जनजागृती करण्यात आली.

यावेळी नगर परिषद पदाधिकारी, अधिकारी व कर्मचारी उपस्थित होते. कार्यक्रमाच्या शेवटी मॅरेथॉन स्पर्धेतील विजेत्या महिलांना सन्मानचिन्ह व प्रमाणपत्र देऊन गौरविण्यात आले. कार्यक्रमाचे सूत्रसंचालन छाया वर्भे यांनी तर प्रास्ताविक शिक्षण सभापती ललिता फूलझले यांनी केले नगरसेविका ज्योती चटारे यांनी उपस्थित मान्यवरांचे आभार मानले

महिला दिनानिमित्त आयोजित करण्यात आलेल्या या कार्यक्रमांमुळे शहरात उत्साहाचे वातावरण निर्माण झाले असून महिलांना प्रोत्साहन देण्याचा संदेश देण्यात आला.