भंडारा जिल्हा स्काऊट-गाईड मेळाव्यात सावित्रीबाई फुले विद्यालयाची नेत्रदीपक कामगिरी

विविध स्पर्धांमध्ये पटकावला प्रथम,द्वितीय व तृतीय क्रमांक

तालूका - प्रतिनिधी ( शेखर जिभकाटे )

पवनी : - दि.०८/०२/२०२६ शिक्षण विभाग जि.प.भंडारा आणि भारत स्काऊट व गाईड जिल्हा संस्था यांच्या संयुक्त विद्यमाने आयोजित तीन दिवसीय निवासी जिल्हा मेळाव्यात सावित्रीबाई फुले विद्यालयाच्या स्काऊट व गाईड पथकाने आपल्या कौशल्याच्या जोरावर विविध स्पर्धांमध्ये घवघवीत यश संपादन केले. शिस्त,जिद्द आणि सांघिक कार्याचे प्रदर्शन करत या पथकाने जिल्ह्याचे लक्ष वेधून घेतले.यशाची आकडेवारी: कला आणि शिस्तीचा संगम.

मेळाव्या दरम्यान आयोजित करण्यात आलेल्या विविध आव्हानात्मक स्पर्धांमध्ये विद्यालयाने खालीलप्रमाणे यश मिळवले:चित्रकला स्पर्धा: गाईड पथक - प्रथम क्रमांक  स्किलो रामा स्पर्धा: गाईड पथक - द्वितीय क्रमांक  शोभा यात्रा स्पर्धा: स्काऊट व गाईड विभाग - तृतीय क्रमांक मान्यवरांच्या हस्ते गौरव मेळाव्याच्या समारोपीय कार्यक्रमात विजेत्या विद्यार्थ्यांचा आणि मार्गदर्शक शिक्षकांचा भव्य सत्कार करण्यात आला. प्राथमिक शिक्षणाधिकारी रविंद्र सोनटक्के, माध्यमिक शिक्षणाधिकारी मनिषा गजभिये आणि जिल्हा परिषद अर्थ व बांधकाम सभापती यशवंत सोनकुसरे यांच्या हस्ते सन्मानचिन्ह व प्रमाणपत्र देऊन पथकाला गौरविण्यात आले.याप्रसंगी विद्यालयाच्या मुख्याध्यापिका सुजाता गजभिये, स्काऊट व गाईड मास्टर अशोक गिरी,ललिता डेकाटे आणि अर्चना दडवे यांना त्यांच्या उत्कृष्ट मार्गदर्शनाबद्दल सन्मानित करण्यात आले.

सर्वत्र कौतुकाचा वर्षाव:

विद्यार्थ्यांच्या या यशाबद्दल पं.स. पवनीचे गटशिक्षणाधिकारी संजयकुमार वासनिक,संस्थेचे अध्यक्ष,सचिव तसेच सर्व पदाधिकारी यांनी विद्यार्थ्यांचे अभिनंदन केले असून त्यांच्या पुढील वाटचालीस शुभेच्छा दिल्या आहेत. या यशामुळे परिसरातून व शिक्षण क्षेत्रातून सावित्रीबाई फुले विद्यालयावर कौतुकाचा वर्षाव होत आहे.  "स्काऊट-गाईडच्या माध्यमातून विद्यार्थ्यांमध्ये शिस्त आणि सेवावृत्ती निर्माण होते.आमच्या विद्यार्थ्यांनी मिळवलेले हे यश त्यांच्या कठोर परिश्रमाचे फळ आहे." 

रविंद्र सोनटक्के शिक्षणाधिकारी (प्राथ) तथा जिल्हा मुख्य आयुक्त स्काऊट व गाईड कार्यालय भंडारा