चिमूर आगारची बस पलटी झाल्याने एक जण ठार तर वीस प्रवासी गंभीर जखमी

चारगाव बु.जवळील घटना

तालूका - प्रतिनिधी ( जगदीश पेंदाम )

वरोरा : - वरोरा चिमूर राष्ट्रीय महामार्ग ३५३ ई वर चारगाव (बु) जवळील नदीच्या पुलाजवळ राज्य परिवहन विभागाची चिमूर आगारची बस चिमूर वरुन चंद्रपूर कडे बस क्र. एम. एच. ४० ए. क्यू.  आज दिनांक. ०५/०८/२०२५ ला दुपारच्या सुमारास जात असताना चालकाचे नियंत्रण सुटल्याने चारगाव धरण जवळ इरई नाल्याच्या पुलाजवळ सुमारे १० फूट खोल खड्ड्यात बस पलटी मारल्याने अनेक प्रवासी जखमी झाले.

त्या बस मध्ये अंदाजे ३५ ते ४० प्रवासी होते. अपघात होताच अपघाताच्या आवाजाने आजु बाजूला शेतात काम करणारे शेतमजूर, शेतकरी यांनी धाव घेऊन त्यातकाळ जखमींना वाहनाच्या बाहेर काढून शेगाव पोलीस स्टेशन येथे संपर्क केला. व जखमींना खाजगी वाहनाने  उपजिल्हा रुग्णालय वरोरा येथे उपचारासाठी दाखल करण्यात आले. बस चालक सुनील पुसनाके यांना मिरगी येत असल्याची प्राथमिक माहिती उपस्थितांकडून मिळाली असून यांना सुद्धा उपजिल्हा रुग्णालय वरोरा येथे उपचारार्थ दाखल करण्यात आले आहे. घटनेची माहिती मिळताच क्षणी शेगाव परिसरातील तसेच चारगाव गावातील नागरिकांनी मोठ्या प्रमाणात गर्दी केली होती व शेगाव पोलीस स्टेशनचे कर्मचारी घटनास्थळी दाखल होऊन  स्थानिकांच्या मदतीने जखमींना वाहणाच्या बाहेर काढण्यासाठी मदत करीत होते.

  या अपघातात बसचा वाहक सुरेश भटाळकर यांना उपजिल्हा रुग्णालय वरोरा येथे उपचारासाठी नेले असता डॉक्टरांनी त्यांना मृत घोशीत केले असुन जखमीमध्ये रेखा श्रीरामे, स्नेहा वारजुरकर (चंद्रपूर ), शुभम वालूदे लोधिखेडा, शांताबाई नवले भिसी, शामकला दडमल सुमठाणा, भरत चिंचोलकर, वनिता दडमल, मधुकर चिंचोलकर, मालती कापसे सर्व राहणार चिमूर, शकील शेख अडेगावं, शाहीन शेख गडचांदूर, वासुदेव शेडमाके वायगाव भोयर, वसंता देठे, आंबेडकर सदाशिव मुंन, बाल्हारशा, सोनाबाई चिंचोलकर धामणी, ईश्वर चिंचोलकर धामणी, संजय कोवे घुघूस,  सुरेश पुसनाके वरोरा आदी जखमीची नावे असून यातील ६ जणांची प्रकृती जास्त गंभीर असल्या कारणांनी जिल्हा रुग्णालय येथे हलवीन्यात आले असून १२ जखमीवर उपजिल्हा रुग्णालय वरोरा येथे उपचार सुरु आहे. व अपघाताचा पुढील तपास रा.प.म. चे अधिकारी व शेगाव पोलीस हे करीत आहे.