महिलांच्या अत्याचाराविरोधात महिलांनी पुढे यायला पाहीजे - शिवानी वडेट्टीवार

अंतरगाव येथे महिला दिन कार्यक्रम थाटात साजरा

सावली (प्रतिनिधी ) - "अजूनही महिला पुरुष समानता नाही, काही काम करायचे असल्यास घरच्या पुरुष मंडळींची परवानगी घ्यावी लागते. ज्या पद्धतीने महात्मा ज्योतिबा फुले यांची साथ सावित्रीबाईंना होती तशी साथ पुरुषांनी द्यावी. आता वाट न पाहता महिलांच्या अत्याचाराविरोधात महिलांनीच समोर यायला पाहीजे" असे वक्तव्य सिनेट सदस्यां शिवानी वडेट्टीवार हे अंतरगाव येथे उमेद प्रभाग संघाच्या वतीने आयोजित महिला दिन कार्यक्रमात बोलत होते. यावेळी मार्गदर्शन व सांस्कृतिक कार्यक्रमाचे सादरीकरण महिलांनी केले.

महाराष्ट्र राज्य ग्रामीण जीवनोन्नती अभियान (उमेद) तालुका सावली अंतर्गत स्वातंत्र प्रभाग संघ अंतरगावच्या वतीने महिला दिन कार्यकरण संपन्न झाला. कार्यक्रमाचे उदघाटन महाराष्ट्र प्रदेश युवक काँग्रेसच्या सरचिटणीस व गोंडवाना विद्यापीठ सिनेट सदस्या शिवानी विजय वडेट्टीवार यांचा हस्ते झाले. कार्यक्रमाचे अध्यक्ष सावली तालुका काँग्रेस महिला अध्यक्ष उषा भोयर होते. यावेळी मंचावर माजी पंचायत समिती सभापती विजय कोरेवार, पाथरीचे ठाणेदार मंगेश मोहोड, उपसरपंच सुषमा ठाकरे, उमेदच्या तालुका समन्वयक प्रतीक्षा दुधे, रजनी घुघरे, गेवरा सरपंच उषा आभारे , राजेंद्र भोयर, शिशुपाल ठाकरे, सुरेखा आसमवार, अंजना ताडपल्लीवार, शिला गुरुनुले, कमलेश गेडाम उपस्थित होते.

कार्यक्रमात उपस्थित होमगार्ड महिलांचा स्वागत करण्यात आला. महिलांनी जागृतीपर गीत, वयक्तिक नृत्य, सामूहिक नृत्य सांस्कृतिक कार्यक्रम सादर केले. कार्यक्रमाचे संचालन राखी संगीडवार, जयश्री चेकबंडलवार यांनी तर आभार शिवानी कागदेलवार यांनी मानले.