करण देवतळे यांच्या वाढदिवसानिमित्त छत्र्या व खाऊचे वाटप

मूकबधिर व अपंग कलाकारांसोबत साजरा केला वाढदिवस 

उप संपादक

विलास मोहिणकर

चंद्रपूर : - भारतीय जनता युवा मोर्चाचे महाराष्ट्र प्रदेश सचिव व माजी मंत्री स्वर्गीय संजय देवतळे यांचे सुपुत्र करण देवतळे यांचा २७ वा वाढदिवस आनंदवनातील स्वरानंदनवन मधील अपंग ,मूकबधिर कलाकारांसोबत साजरा करून  एक आदर्श निर्माण करून दाखविला.करण संजय देवतळे यांच्या या वाढदिवसाचा कार्यक्रम स्वर्गीय संजय देवतळे मित्र परिवारातर्फे आयोजित  करण्यात आले होते.सर्वप्रथम वरोरा येथील उपजिल्हा रुग्णालयातील रुग्णांना फळ वितरण केले ,त्यानंतर आनंदवनातील रुग्णालयात असलेल्या रुग्णांना फळ व  बिस्किट वितरित करून रुग्णालयातील कर्मचाऱ्यांना छत्रीचे वितरण करण्यात आले. तसेच आनंदवनातील स्वरानंदनवन या ख्यातनाम आर्केस्ट्रा मधील विविध कलाकारांसोबत त्यांनी वेळ देऊन वाढदिवस  साजरा करण्याचे ठरविले होते.

आनंदवनातील सभागृहात केक कापून करण देवतळे यांचा वाढदिवस साजरा गेला केला. यावेळी संपूर्ण अंध व अपंग कलाकारांना करण देवतळे व श्वेताताई देवतळे यांच्या हस्ते छत्रीचे वाटप करण्यात आले व मधुर स्वरात कलाकारांनी गीत  सादर केले. श्रद्धे बाबा आमटे व साधना ताई आमटे तसेच स्व.शितलताई आमटे यांच्या समाधीस्थळी जाऊन त्यांना आदरांजली वाहिली व मूकबधिर लहान विद्यार्थ्यांना सुद्धा खाऊचे वाटप करण यांच्या हस्ते करण्यात आले. तसेच  शहरातील गजानन नगर येथील स्वर्गीय संजय देवतळे उद्यान मध्ये वृक्षारोपण सुद्धा करण्यात आले. या विविध संपूर्ण कार्यक्रमात माजी नगराध्यक्ष अहेतेशम अली , भाजप नेते बाबासाहेब बागडे, भाजपा तालुका अध्यक्ष डॉ. भगवान गायकवाड, खरेदी विक्री संस्थेचे उपाध्यक्ष विजय मोकाशी ,संचालक बाळूभाऊ भोयर, विठ्ठल लेडे, विलास गयनेवार, मोहन रंगदड, उमेश शर्मा, आशिष ठाकरे, अमित चवले, जगदीश तोटावर, विलास दारापुरकर, परसराम मरसकोल्हे, सुधाकर कुंकूले ,महेश श्रीरंग, अभिजीत गयनेवार, विशाल कुंकुले ,कादर शेख, सतीश कांबळे, चारू पाटील देवतळे, विशाल ढवस, डॉ. प्रफुल खुजे, निलेश देवतळे, सुरज येरने तसेच बरीच मित्रमंडळी अभिष्टचिंतन कार्यक्रमाला उपस्थित होती.

 आनंदवनातील आयोजित वाढदिवस कार्यक्रमासाठी डॉ.अविनाश पोळ, सदाशिवराव ताजने, सुधाकर कडू गुरुजी, राजेश ताजने यांनी मोलाचे सहकार्य केले.