गरजू विद्यार्थ्यांना सायकल व विद्यार्थीनींना सॅनिटरी पॅडचे वितरण

    

तळोधी (बा.) :     

         येथून जवळच असलेल्या कोजबी (चक)  येथील सरस्वती विद्यालयात शिकत असलेल्या ४० गरजू विद्यार्थ्यांना सायकल व इयत्ता ६ ते १० मधील विद्यार्थीनींना  सॅनिटरी पॅडचे वितरण  जनकल्याण बहुउद्देशिय शिक्षण संस्था नवरगाव तर्फे शनिवारी करण्यात आले.        सरस्वती विद्यालयात दुर्गम भागातील  अनेक  विद्यार्थी शिक्षण घेत आहेत. ये-जा करतांना त्यांना नाहक त्रास सहन करावा लागत होता. शेवटी समाजऋण व विद्यार्थीऋण समोर ठेवून जनकल्याण बहुउद्देशिय शिक्षण संस्था नवरगाव तर्फे ४० गरजू विद्यार्थ्यांना सायकलचे वितरण  करण्यात आले. याशिवाय  इयत्ता ६ ते १० मधील  विद्यार्थीनी तथा  मातांमध्ये आरोग्याविषयी जनजागृती करुन सॅनिटरी पॅडचे  वितरण शनिवारी कार्यक्रमप्रसंगी  करण्यात आले. कार्यक्रमाला बहुसंख्य  विद्यार्थी व माता उपस्थित होत्या.आरोग्याविषयी मार्गदर्शन डाॅ. नुपूर गोंदे व डाॅ.पायल गोंदे यांनी केले.     या वितरणाप्रसंगी नागपूर येथील  श्याम बोकाडे, सुलोचना बोकाडे, संस्थाध्यक्ष विजय बारापात्रे, संस्थासचिव मनिषाताई किशोरजी बारापात्रे, उपाध्यक्ष संजय सोनकुसरे, सदस्य रमेश पाटील मस्के,गीताताई बारापात्रे, संकेत व उत्कर्ष बारापात्रे, मुख्याध्यापक दीपक बोकडे, निषाद गोंदे, शिक्षक व शिक्षकेत्तर कर्मचारी उपस्थित होते.