मुल तालुका शिवसेनेतर्फे शिव जयंती साजरी

प्रतिनिधी:- कुमुदिनी भोयार 

महाराष्ट्राचे आराध्य दैवत छत्रपती शिवाजी महाराज यांची जंयती तिथी प्रमाणे मुल येथील तालुका शिवसेना कार्यालयात साजरी करण्यात आली.

        मुल शहर व तालुक्यातील समस्त जनतेला तसेच शिवसेना , युवासेना , महिला व शिवसैनिकांना आमंत्रित करण्यात आले होते.

  छत्रपती शिवाजी महाराज यांना मानवंदना देवून प्रतिमेची पुजा शिवसेना तालुकाप्रमुख नितीन येरोजवार यांनी केली तसेच छत्रपती शिवाजी महाराज यांच्या पराक्रमाची महती आपल्या विचारातून  प्रगट केली . या कार्यक्रमाच्या औचित्याने  मुल येथील यशस्वी उद्योजक हीरेण शहा, मुल येथील प्रथम चार्टर्ड अकाऊंट सावन बुटे , प्रथम बालरोग तज्ज्ञ डाॅ.उज्ज्वल बोकारे तसेच हीरो होंडा विक्रीचा उच्चांक गाठणारे दिनेश पढगेलवार यांचे शाल व श्रीफळ देऊन शिवसेना तालुकाप्रमुख  नितीन येरोजवार यांचे हस्ते सत्कार करण्यात आले. शिवसेनेचे पक्षप्रमुख मुख्यमंत्री उध्दव बाळासाहेब ठाकरे यांच्या हाकेला साद देऊन नागरिकांना उत्तम आरोग्यासाठी फेस मास्कचे वितरण करण्यात आले.

मुल तालुका शिवसेना  विविध उपक्रमांनी  शिवजयंती उत्सव साजरा करण्यात येते या कार्यक्रमाला यशस्वी करण्यात मुल शहरातील सर्व शिव प्रेमींनी सहकार्य केले.