पोळा-तान्हा पोळा गणेश चतुर्थी सण शांततेत पार पाडण्यासाठी सराईत गुन्हेगारांना पोलिसांचे मार्गदर्शन
उप संपादक
विलास मोहिणकर
चंद्रपूर : - चंद्रपूर जिल्ह्यातील चिमूर येथे पोळा व तान्हा पोळा गणेश चतुर्थी या सणाच्या पार्श्वभूमीवर कायदा व सुव्यवस्था अबाधित राहावी तसेच कोणत्याही प्रकारे शांततेचा भंग होऊ नये, यासाठी चिमूर येथील उपविभागीय पोलीस अधिकारी कार्यालयात आज दि. ९ सप्टेंबर २०२६ रोजी भिसी, चिमूर व शेगाव पोलीस स्टेशन हद्दीतील सराईत गुन्हेगारांवर प्रतिबंधकात्मक कारवाई तसेच मार्गदर्शन सभा घेण्यात आली.
यावेळी संबंधित सराईत गुन्हेगारांना सण-उत्सवाच्या काळात कायदा व सुव्यवस्था राखण्याबाबत योग्य मार्गदर्शन करण्यात आले. पोळा व तान्हा पोळा सणादरम्यान कोणत्याही प्रकारचे गैरकृत्य, भांडण, मारामारी किंवा शांततेचा भंग होणार नाही, याबाबत पोलिसांकडून स्पष्ट सूचना देण्यात आल्या.
चिमूर उपविभागीय पोलीस प्रशासनाकडून कायदा व सुव्यवस्था राखण्यासाठी विशेष खबरदारी घेण्यात येत आहे.
कोणत्याही टिप्पण्या नाहीत:
झिंदाबाद!