वाघाच्या हमल्यात गुराखी ठार

तालुका - प्रतिनिधी ( यश कायरकर )

नागभीड : - वन परिक्षेत्र चिचपल्ली, उपक्षेत्र केळझर येथील कक्ष क्रमांक 431 मध्ये  केळझर येथील गुराखी गणपत लक्ष्मण मराठे वय 60 वर्ष हे काल गुरे चराईसाठी गेले असता त्याला वाघाने हल्ला करून ठार केले. मात्र गुराखी घरी परत न आल्यामुळे त्यांच्या नातेवाईकांनी शोधाशोध करून वन विभागाला कळविले मात्र व रात्री उशीर झाल्यामुळे मृतदेह शोधता आला नाही.

आज सकाळी वनविभागाने शोध मोहीम राबवली तेव्हा जंगलात त्याच्या मृतदेह  मीळाला. वनविभाग व पोलीस प्रशासना मार्फत घटना स्थळी पंचनामा करून मृतदेह शवविच्छेदनासाठी उपजिल्हा रुग्णालयात पाठविण्यात आले.

मृतक गुराखी यांच्या पत्नीला प्रियंका आर.वेलमे , वनपरिक्षेत्र अधिकारी चिचपल्ली यांचे हस्ते ३०,००० रूपये तात्काळ मदत म्हणून देण्यात आली.यावेळी पि.डब्लू.पडवे, क्षेत्र सहाय्यक केळझर, पि.डी.खनके क्षेत्र सहाय्यक महादवाडी, उमेशसिंह झिरे संजीवन पर्यावरण संस्था,मूल एम.आर.वाघमारे वनरक्षक सांडाळा,आर.जे.गुरनुले वनरक्षक जानाळा, शितल बेंदले वनरक्षक सुशी, स्वप्नील आक्केवार व मृतकाचे बरेच नातेवाईक उपस्थित होते.