सरस्वती विद्यालयात स्कुल बॅग, पुस्तके व नोटबुक वितरण

          

तळोधी (बा.)      

  नागभीड तालुक्यातील कोजबी (चक) येथील सरस्वती विद्यालयात शिकत असलेल्या सर्व विद्यार्थ्यांना स्कुल बॅग, पाठ्यपुस्तके व नोटबुकांचे वितरण जनकल्याण बहुउद्देशिय शिक्षण संस्था नवरगाव तर्फे नुकतेच करण्यात आले.                       सरस्वती विद्यालयात ग्रामीण भागातील गरीब व होतकरु विद्यार्थी शिक्षण घेत आहेत. कोरोनाच्या दुस-या महामारीमध्ये अनेक पालकांना जीवन जगणे जिकीरीचे झाले. त्यात आपल्या पाल्यांना शालोपयोगी साहित्य घेऊन देणे  दुरापास्तच. या बाबीचे गांभीर्य लक्षात घेऊन तसेच विद्यार्थीहीत व  समाजऋण समोर ठेवून  जनकल्याण बहुउद्देशिय शिक्षण संस्था नवरगाव तर्फे वर्ग ५ ते १० मध्ये शिकत असलेल्या सर्व विद्यार्थ्यांना स्कूल बॅग, पाठ्यपुस्तके व नोटबुकांचे वितरण करण्यात आले. या वाटपाप्रसंगी संस्थासचिव मनिषाताई बारापात्रे, सदस्य  संकेत बारापात्रे, मुख्याध्यापक दीपक बोकडे, शिक्षक सुरेश बोरकर, सुरेश खोब्रागडे,चंद्रशेखर गायकवाड,मधुसूदन नागपूरे तथा सर्व  शिक्षकेत्तर कर्मचारी उपस्थित होते.