ट्रॅक्टर - दुचाकी अपघातात युवक ठार

 नांदेड झाडबोरी रस्त्यावरील घटना.

 तळोधी (बा.)

 तळोधी बाळापुर पोलीस स्टेशन अंतर्गत येणाऱ्या नांदेड झाडबोरी - नवरगाव रस्त्यावर आज झालेल्या दुचाकी ट्रॅक्टर अपघातात नांदेड येथील आपल्या नातेवाईकाकडे खतण्याच्या कार्यक्रमाकरिता आलेला जाम येथील युवक हा नवरगाव येथे कार्यक्रमाचा सामान घ्यायला जाऊन परत येत असताना , ट्रॅक्टर दुचाकी धडकेत झाडबोरी जवळील नांदेड पाणीपुरवठा टाकी च्या जवळ झालेल्या अपघातात युवक अलीम रतन शेख (22 )  हा  जागीच ठार झाला. तर दुचाकी चालक समसेद झोनू शेख,  नांदेड हा किरकोळ जखमी झाला. 

         हा अपघात  ट्रॅक्टर क्रमांक *एम एच 34 एल 4929* हा  ईश्वर गहाणे, नवरगाव यांच्या मालकीचा ट्रॅक्टरने  धडक देऊन नंतर डॉक्टर चालक ट्रॅक्टर घेऊन फरार झाला.  समोरील तपास ठाणेदार बी. आर. शेंडे यांच्या मार्गदर्शनात तळोधी पोलीस पूढील तपास करीत आहे.