रिक्त राहिलेल्या ट्रेडच्या आय.टी. आय . प्रवेशाची समुपदेशन फेरी ..

गडचिरोली (प्रतिनिधी )

शासकीय औद्योगिक प्रशिक्षण संस्थेतील यापुर्वी झालेल्या  प्रवेश फेरीच्या समाप्तीनंतर शिल्लक राहिलेल्या  १६५ जागा संस्थास्तरीय  पुनश्चः समुपदेशन फेरीद्वारे भरण्यात येत आहे. त्यानुसार वेळापत्रक  जाहिर झालेले आहे . करीता   इच्छूक उमेदवारांनी संकेत स्थळावर  प्रवेशासाठी अर्ज करणे, दुरूस्ती करणे, प्रवेश अर्ज शुल्क जमा करणे   दि.३  ते ७ फेब्रुवारी  या दरम्यान  समुपदेशन फेरीसाठी संस्थानिहाय व व्यवसाय निहाय रिक्त जागाचा अभ्यास करून  उमेदवारांनी प्रवेशासाठी आपल्या लाॕगइनवरून  समुपदेशन फेरीसाठी नोंदणी करावी. दि ८ फेब्रुवारीला  ह्या फेरीसाठी  गुणवत्ता यादी   संकेतस्थळावर    प्रकाशित होईल. दि.९ फेब्रुवारी  ते १५  फेब्रुवारी   या दरम्यान  उमेदवारांना  दिलेल्या संदेशात नमुद संस्थेत  दररोज सकाळी ८ ते ११ वाजेपर्यंत व्यक्तीशः स्वतंत्ररीत्या  हजेरी  लावावी .  त्याचदिवशी  समुपदेशन फेरीसाठी  दुपारी १ वाजता  गुणवत्ता यादी प्रकाशित होईल  आणि उपलब्ध जागेनुसार जागेचे वाटप होईल. याकरिता उमेदवारांनी  मुळ प्रमाणपत्रासह उपस्थित राहावे आणि उमेदवारांनी समुपदेशन फेरीचा लाभ घ्यावा  , असे प्राचार्य संतोष साळुंके यांनी कळविले आहे. तसेच काही शंका किंवा अडचण असल्यास प्रवेश प्रमुख श्री. मधूपवार किंवा श्री.  नितिन श्रीगिरीवार यांचेशी संपर्क साधावा, असे कळविण्यात आले आहे