सावली येथे डॉ. नामदेव किरसान यांचे प्रचारार्थ सभा - व्हिजेएनटी प्रदेश अध्यक्षा ऍड. पल्लवी रेनके यांचे मार्गदर्शन

सावली - गडचिरोली - चिमूर लोकसभा क्षेत्राचे भारतीय काँग्रेस पक्षाचे उमेदवार डॉ. नामदेवजी किरसान यांच्या प्रचारार्थ विमुक्त जाती भटक्या जमाती विभागाचे प्रदेश अध्यक्षा ऍड. पल्लवीताई रेनके यांचे मार्गदर्शनात सावली येथे सभा घेण्यात आली.

भाजपचे सरकार हुकूमशाहीचे सरकार असून लोकशाही वाचविण्यासाठी काँग्रेसला सत्तेत आणा. काँग्रेस सरकार हे बहुजनांचा विचार करणारा पक्ष आहे. काँग्रेसने जाहीरनाम्यात ओबीसींची जनगणना व संख्येनुसार आरक्षण देण्याचे जाहीर केले असून महिलांसाठी वर्षाला एक लाख रुपये देत सन्मान करणार असल्याचे जाहीर केल्याने राहुल गांधी यांचे हात बळकट करण्यासाठी गडचिरोली चिमूर लोकसभा क्षेत्राचे उमेदवार डॉ. नामदेव किरसान यांना निवडून आणण्याचे आवाहन केले.

यावेळी अध्यक्षस्थानी नगराध्यक्ष लता लाकडे होते. प्रमुख अतिथी सामाजिक न्याय विभागाचे कार्याध्यक्ष बादल गायकवाड, व्हिजेएनटी विभागाचे महासचिव सुधाकर बडगुजर, व्हिजेएनटी विभागाचे जिल्हाध्यक्ष विजय कोरेवार, महिला तालुका अध्यक्ष उषा भोयर, शहराध्यक्ष विजय मुत्यलवार, माजी उपसभापती मंगला चिमड्यालवार, शहर अध्यक्ष भारती चौधरी, व सर्व नगरसेवक, पदाधिकारी, कार्यकर्ते मोठ्या संख्येने उपस्थित होते. कार्यक्रमाचे संचालन नगरसेविका पल्लवी तातकोंडावार यांनी तर आभार प्रदर्शन गुलाब गेडाम यांनी मानले.