स्वास्तिक राईस मिल मुळे वस्तीतील जनतेचे आरोग्य धोक्यात*स्वास्तिक राईस मिल मुळे वस्तीतील जनतेचे आरोग्य धोक्यात लोकांना त्वचारोगाची साथ

      

स्वयंपाक घरात जेवण याच्या पदार्थाचे जातो धानाचा भुसा 

छतावर व अंगणातना भुसाच भुसा अंगणात उभे राहणे अशक्य 

वारंवार बंदोबस्त करण्याची विनंती करूनही दुर्लक्ष ग्रामपंचायतीकडे महिलांनी दिले निवेदन , राईस मिल मालकाचा अरेरावी प्रदुषण नियंत्रण विभागाने व आरोग्य विभागाने लक्ष देण्याची मागणी . 

शेजारच्या महिलांचा राईस मिल समोर आंदोलन करण्याचा इशारा           

         सविस्तर सावरगाव येथील मुख्य बस स्टॉप जवळील वस्तीतील असलेली स्वस्तिक राईस मिल  परिसरातील परिवारां करिता धोकादायक ठरत आहे या राईस मिलमध्ये धान्य पिसाई करतांना उडणाऱ्या धुरामुळे परिसरातील लहान मुले , महिला, पुरुष सर्वांना त्वचा रोगाचा त्रास होऊन लोकांना आर्थिक बोजा सहन करावा लागत आहे . दिवसभर उडणाऱ्या भुशाचा धूर हा शरीरावर व अंगणात वाळावयला असलेल्या कपडावर, घरातील स्वयंपाक भांड्यांमध्ये, पिण्याच्या पाण्यात, छतावर, अंगणात, दिवसभर उडत असतो यामुळे शरीराला त्रास होऊन त्वचा रोग वाढत चाललेला आहे. त्यामुळे लोकांना आर्थिक व शारीरिक हानी सहन करावी लागत आहे. जेवण करताना जेवणाच्या पदार्थांमध्येही हा धूळ साचत असतो त्यामुळे संपूर्ण दार बंद करूनच लोकांना जेवण करावे लागते . याबाबत परिसरातील महिलांनी ग्रामपंचायत कडे ही तक्रार केलेली होती. तेव्हा ग्रामपंचायत द्वारे मिल मालकाला धुराचा बंदोबस्त करण्याची ताकीद दिली. मात्र या गोष्टीकडे दुर्लक्ष करीत असून आमची मिल हे आधीपासूनच आहे तुम्ही तुमच्या बंदोबस्त करावा असा अरेरावी पणा तो करत असतो. यामुळे आता योग्य ती कारवाई करून राईस मिल गावाबाहेर च हलवावी अशी मागणी करून राईस मिल समोर धरणा देण्याचा इशारा या महिलांनी दिलेला आहे. तरी प्रदूषण नियंत्रण विभागाने व आरोग्य विभागाने याकडे गंभीरतेने लक्ष देण्याची गरज आहे . सोबतच राईस मिल आणि धान्य गोडाऊन असल्यामुळे उंदीर आणि घुशी चा त्रास परिसरातील लोकांना सहन करावा लागत आहे.